പത്തനംതിട്ട റാന്നിയില് വീട്ടില് സൂക്ഷിച്ച 43 ലിറ്റര് വിദേശമദ്യം പിടികൂടി. വീട്ടുവളപ്പിലെ കോഴിക്കൂട്ടില് നിന്നാണ് മദ്യം പിടികൂടിയത്. കൊല്ലമുള ചാത്തന്തറ സ്വദേശി നസീര് ആണ് പിടിയിലായത്. വീട്ടുപറമ്പിലെ കോഴിക്കൂട്ടില് 86 കുപ്പി വിദേശമദ്യമാണ് വില്പനക്കായി സൂക്ഷിച്ചിരുന്നത്.
ഓര്ഡര് അനുസരിച്ച് ഓട്ടോയില് മദ്യം എത്തിച്ചു നല്കുകയായിരുന്നു രീതി. ഒരാഴ്ചത്തെ നിരീക്ഷണത്തിനൊടുവിലാണ് എക്സൈസ് ഷാഡോ സംഘം പ്രതിയെ പിടികൂടിയത്.
കുറച്ചുനാളായി എക്സ്സൈസ് ഷഡോ സംഘത്തിലന്റെ നിരീക്ഷണത്തിലായിരുന്നു ഇയാള്. ഇയാള് വലിയ തരത്തിലുള്ള മദ്യവില്പ്പന നടത്തിയിരുന്നുവെന്ന് എക്സൈസിന് വിവരം ലഭിച്ചിരുന്നു. പ്രതിയെ കോടതിയില് ഹാജരാക്കി റിമാന്ഡ് ചെയ്തിട്ടുണ്ട്.
