മണ്ഡല മാസത്തോടനുബന്ധിച്ച് ബജറ്റ് ടുറിസം സെല്ലിന് കീഴിൽ 1600 ട്രിപ്പുകൾ ക്രമീകരിക്കാൻ കെ എസ് ആർ ടി സി. പമ്പയിലേക്ക് നേരിട്ടും, അല്ലാതെ വരുന്ന വഴിയിലെ അയ്യപ്പ ക്ഷേത്രങ്ങൾ ഉൾപ്പെടുത്തിയും ഇത്തവണ 3 വ്യത്യസ്ത പാക്കേജുകളാണ് കെ എസ് ആർ ടി സി ഒരുക്കുന്നത്. കഴിഞ്ഞ സീസണിൽ 950 ട്രിപ്പുകളാണു കെ എസ് ആർ ടി സി നടത്തിയത്. ബജറ്റ് ടുറിസം വഴി നിലയ്ക്കലിൽ എത്തുന്ന ഭക്തർക്ക് നേരിട്ട് പമ്പയിൽ എത്താൻ കഴിയും.
പന്തളം, പെരുനാട് പോലെയുള്ള അയ്യപ്പ ക്ഷേത്രങ്ങളുൾപ്പെടുന്ന അയ്യപ്പ ദർശന പാക്കേജും സംസ്ഥാനത്തിന്റെ തെക്ക്–വടക്ക് മേഖലകളിലെ പ്രധാന ക്ഷേത്രങ്ങളിലും ദർശനം നടത്തുന്ന പാക്കേജും ഇത്തവണ കെ എസ് ആർ ടി സി ഉൾപ്പെടുത്തിയിട്ടുണ്ട്. വ്യത്യസ്ത നിരക്കുകളിലാണ് ഓരോ പാക്കേജുകളും കെ എസ് ആർ ടി സി ഒരുക്കുന്നത്. 93 ഡിപ്പോകളിൽ നിന്നും ട്രിപ്പുകൾ ക്രമീകരിക്കുന്നുണ്ട്. സൗത്ത്, സെൻട്രൽ, നോർത്ത് എന്നീ 3 മേഖലകളായി തിരിച്ചാണ് ട്രിപ്പുകൾ ഏകോപിപ്പിക്കുന്നത്.
പമ്പയിൽ ലഗേജ് സൂക്ഷിക്കുന്നതിനും ഫ്രഷ് ആകാനുമുള്ള സൗകര്യവും ബജറ്റ് ടുറിസത്തിന്റെ ഭാഗമായി കെ എസ് ആർ ടി സി ഒരുക്കുന്നുണ്ട്. സന്നിധാനത്തെ ആവശ്യങ്ങൾക്കായി ബജറ്റ് ടൂറിസം സെൽ കോഓർഡിനേറ്റർമാരുടെ സേവനം ലഭിക്കും. ഗ്രൂപ്പ് ബുക്കിങ്ങുകൾക്ക് കമ്മിഷനും നൽകുന്നുണ്ട്. ജനുവരി 15ന് മകരവിളക്കു വരെയാണു ബജറ്റ് ടുറിസം യാത്രകൾ കെ എസ് ആർ ടി സി ക്രമീകരിക്കുന്നത്.
വിവരങ്ങൾക്ക് : 91889 38522 (സൗത്ത്) , 91889 38528 (സെൻട്രൽ), 91889 38533 (നോർത്ത്)
ജില്ലാ കോഓർഡിനേറ്റർമാരുടെ നമ്പരുകൾ
തിരുവനന്തപുരം : 91886 19378, 91889 38522
കൊല്ലം : 91889 38523
പത്തനംതിട്ട : 91889 38524
ആലപ്പുഴ : 91889 38525
കോട്ടയം : 91889 38526
ഇടുക്കി : 91889 38527
എറണാകുളം : 91889 38528
തൃശൂർ : 91889 38529
പാലക്കാട് : 91889 38530
മലപ്പുറം : 91889 38531
കോഴിക്കോട് : 91889 38532
വയനാട് : 91889 38533
കണ്ണൂർ – കാസർകോട് : 91889 38534
