News
-
ട്രെയിനില് ഇനി ബാങ്കിങ് സേവനവും; എടിഎം സ്ഥാപിച്ച് സെന്ട്രല് റെയില്വെ
മുംബൈ-മന്മദ് പഞ്ചവടി എക്സ്പ്രസില് പരീക്ഷണാടിസ്ഥാനത്തില് എടിഎം സ്ഥാപിച്ച് സെന്ട്രല് റെയില്വെ. സ്വകാര്യ ബാങ്കിന്റെ എടിഎം, എസി ചെയര് കാര് കോച്ചിലാണ് സ്ഥാപിച്ചിരിക്കുന്നത്. വൈകാതെ തന്നെ യാത്രക്കാര്ക്ക് സേവനം ലഭ്യമാകുമെന്നും അധികൃതര് അറിയിച്ചു. കോച്ചിന്റെ പിന്ഭാഗത്തുള്ള ഒരു ക്യൂബിക്കിളിലാണ് എടിഎം സ്ഥാപിച്ചിരിക്കുന്നത്. ട്രെയിന് നീങ്ങുമ്പോള് സുരക്ഷ ഉറപ്പാക്കാന് ഒരു ഷട്ടര് വാതില് നല്കിയിട്ടുണ്ട്. പരീക്ഷണാടിസ്ഥാനത്തില് സ്ഥാപിച്ചിരിക്കുന്ന എടിഎം സേവനം വിജയിച്ചാല് വൈകാതെ യാത്രക്കാര്ക്കും സേവനം ഉപയോഗപ്പെടുത്താം. സെന്ട്രല് റെയിലെ പബ്ലിക് റിലേഷന്സ് ഓഫീസര് സ്വപ്നില് നില പറഞ്ഞു. മന്മദ് റെയില്വേ വര്ക്ക്ഷോപ്പിലാണ് എടിഎം സ്ഥാപിക്കുന്നതിനായി കോച്ചില്…
Read More » -
കൊല്ലം പൂരം കുടമാറ്റത്തില് ആര്എസ്എസ് നേതാവിന്റെ ചിത്രവും; പരാതി നല്കി യൂത്ത് കോണ്ഗ്രസ്
കൊല്ലം പൂരത്തില് ആര്എസ്എസ് നേതാവിന്റെ ചിത്രം ഉയര്ത്തിയത് വിവാദത്തില്. പൂരത്തിന്റെ ഭാഗമായുള്ള കുടമാറ്റത്തില് നവോത്ഥാന നായകരുടെ ചിത്രത്തിനൊപ്പമാണ് ആര്എസ്എസ് സ്ഥാപകനേതാവ് ഹെഗ്ഡേവാറിന്റെ ചിത്രവും ഉയര്ത്തിയത്. ഇതിനെതിരെ യൂത്ത് കോണ്ഗ്രസ് സിറ്റി പൊലീസ് കമ്മീഷണര്ക്ക് പരാതി നല്കി. ആര്എസ്എസ് നേതാവിന്റെ ചിത്രം ഉയര്ത്തിയത് ഹൈക്കോടതി വിധിയുടെ ലംഘനമാണെന്നാണ് പരാതിയില് ചൂണ്ടിക്കാട്ടുന്നത്. ക്ഷേത്ര ആചാരങ്ങളിലും ഉത്സവങ്ങളിലും രാഷ്ട്രീയം കലര്ത്തുന്ന നടപടിയാണ് ഉണ്ടായിട്ടുള്ളത്. തുടര്ച്ചയായി ക്ഷേത്രാചാരങ്ങളില് രാഷ്ട്രീയം കലര്ത്തുവാനാണ് സിപിഎമ്മും ബിജെപിയും മത്സരിക്കുന്നത്. ഇത് വളരെ അപകടകരമായ സാഹചര്യത്തിലേക്കാണ് നീങ്ങുന്നത് എന്നും യൂത്ത് കോണ്ഗ്രസ് ആരോപിച്ചു. ഉത്സവങ്ങളില് രാഷ്ട്രീയം…
Read More » -
എരുമേലിയിൽ ശബരിമല തീർഥാടകർ സഞ്ചരിച്ച ബസ് മറിഞ്ഞു; ഒരു മരണം, മൂന്ന് പേരുടെ നില ഗുരുതരം
കോട്ടയം എരുമേലിക്ക് സമീപം പമ്പാവാലി കണമലയിൽ ശബരിമല തീർഥാടകർ സഞ്ചരിച്ച ബസ് മറിഞ്ഞ് ഒരാൾ മരിച്ചു. പരിക്കേറ്റവരെ എരുമേലിയിലെ ആശുപത്രിയിൽ പ്രവേശിപ്പിച്ചു. ആറ് പേർക്ക് ഗുരുതരമായി പരിക്കേറ്റു. ഇതിൽ മൂന്ന് പേരുടെ നില അതീവ ഗുരുതരമാണ്. കർണാടകയിൽ നിന്നുള്ള തീർഥാടകരാണ് ബസിൽ ഉണ്ടായിരുന്നത്. ബസിൽ 33 പേരാണ് ഉണ്ടായിരുന്നത്. ഇന്ന് രാവിലെ ആറ് മണിയോടെയായിരുന്നു സംഭവം. അപകടം നടന്ന അട്ടിവളവ് സ്ഥിരം അപകട മേഖലയാണെന്നാണ് പ്രദേശവാസികൾ പറയുന്നത്. കണമല ഇറക്കത്തില് അട്ടിമല വളവില് വെച്ച് തീര്ഥാടകര് സഞ്ചരിച്ചിരുന്ന ബസ് ക്രാഷ് ബാരിയര് തകര്ത്ത് മറിയുകയായിരുന്നു.…
Read More » -
വേനല്ക്കാലം: അമീബിക്ക് മസ്തിഷ്ക ജ്വരത്തിനെതിരെ പ്രത്യേക ജാഗ്രത നിർദ്ദേശം : മന്ത്രി വീണാ ജോര്ജ്
വേനല്ക്കാലമായതിനാല് അമീബിക്ക് മസ്തിഷ്ക ജ്വരത്തിനെതിരെ (അമീബിക്ക് മെനിഞ്ചോഎന്സെഫലൈറ്റിസ്) പ്രത്യേക ജാഗ്രത പാലിക്കണമെന്ന് ആരോഗ്യ വകുപ്പ് മന്ത്രി വീണാ ജോര്ജ്. വേനല്ക്കാലത്ത് ജല സ്രോതസുകളില് വെള്ളത്തിന്റെ അളവ് കുറയുന്നത് കാരണം ചെളിയിലെ അമീബയുമായി സമ്പര്ക്കം കൂടുതലുണ്ടാകാന് സാധ്യതയുണ്ട്. അതിനാല് കുളങ്ങളിലോ ജലാശയങ്ങളിലോ കുളിക്കുന്നവര് ശ്രദ്ധിക്കണം. വാട്ടര് ടാങ്കുകള് ചെളി കെട്ടിക്കിടക്കാതെ വൃത്തിയാക്കണം. സ്വിമ്മിംഗ് പൂളുകള്, അമ്യൂസ്മെന്റ് പാര്ക്കുകള് എന്നിവിടങ്ങളിലെ വെള്ളം ക്ലോറിനേറ്റ് ചെയ്ത് ശുദ്ധമാക്കണം. ഇത്തരം ജലവുമായി ഏതെങ്കിലും രീതിയില് സമ്പര്ക്കം ഉണ്ടായിട്ടുള്ളവര്ക്ക് തീവ്രമായ തലവേദന, പനി, ഓക്കാനം, ഛര്ദി, കഴുത്ത് തിരിക്കാനുള്ള ബുദ്ധിമുട്ട് തുടങ്ങിയ…
Read More » -
കാട്ടാനയുടെ ആക്രമണം : അതിരപ്പിള്ളിയില് നാളെ ഹര്ത്താല്
നിരന്തരമായി ഉണ്ടാകുന്ന കാട്ടാന ആക്രമണങ്ങളില് പ്രതിഷേധിച്ച് അതിരപ്പിള്ളിയില് നാളെ ജനകീയ ഹര്ത്താല്. രാവിലെ ആറു മുതല് വൈകീട്ട് ആറുവരെയാണ് ഹര്ത്താല്. കാട്ടാനയാക്രമണത്തിന് സ്ഥിരപരിഹാരം ആവശ്യമാണെന്ന് പഞ്ചായത്ത് വ്യക്തമാക്കി. ഹര്ത്താലിന് എല്ലാ രാഷ്ട്രീയ കക്ഷികളും പിന്തുണ പ്രഖ്യാപിച്ചിട്ടുണ്ട്. വനവിഭവങ്ങള് ശേഖരിക്കാന് പോയ രണ്ട് ആദിവാസികള് ഇന്നലെ രാത്രി കാട്ടാനയുടെ ആക്രമണത്തില് കൊല്ലപ്പെട്ടിരുന്നു. വാഴച്ചാല് ശാസ്താപൂവം ഊരിലെ സതീഷും അംബികയുമാണ് കൊല്ലപ്പെട്ടത്. തേന് ശേഖരിക്കാന് കാട്ടില് പോയ സംഘം കാട്ടാനക്കൂട്ടത്തിന് മുന്നില്പ്പെടുകയായിരുന്നു. ഒരാഴ്ച മുന്പാണ് സതീശന് ഭാര്യ രമ, രമയുടെ ചേച്ചി അംബിക ഭര്ത്താവ് രവി എന്നിവര്…
Read More » -
മുതലപൊഴിയിൽ മണൽ നീക്കം ഇരട്ടിയാക്കാൻ കരാറുകാരന് ഫിഷറീസ് വകുപ്പ് നിര്ദേശം
തിരുവനന്തപുരം മുതലപൊഴിയിൽ മണൽ നീക്കം ഇരട്ടിയാക്കാൻ കരാറുകാരന് ഫിഷറീസ് വകുപ്പ് നിര്ദേശം. നിലവിൽ ഒരു ദിവസം നീക്കുന്നത് 2,000 ക്യുബിക് മീറ്റർ മണലാണ്. ഇത് ഇരട്ടിയാക്കണമെന്ന് ഫിഷറീസ് വകുപ്പ് നിർദേശം നൽകി.അതേസമയം വിഷയത്തിൽ പ്രതിഷേധക്കാരുമായി നാളെ ചർച്ച നടത്തുമെന്ന് മന്ത്രി സജി ചെറിയാൻ അറിയിച്ചു. അഴിമുഖത്ത് മണൽ അടിഞ്ഞുകൂടി മത്സ്യബന്ധനം അസാധ്യമായതോടെയാണ് തീരത്ത് പ്രതിഷേധം ആരംഭിച്ചത്. സർക്കാർ ഉടനടി വിഷയത്തിൽ ഇടപെടുകയും ദിവസങ്ങൾക്കുള്ളിൽ മണൽ നീക്കം ചെയ്യുന്നതിനുള്ള ഡ്രഡ് ജിങ് ആരംഭിക്കുകയും ചെയ്തു. എന്നാൽ വൻതോതിൽ മണൽ അടിഞ്ഞുകൂടുന്നതോടെ പ്രവർത്തി പൂർത്തിയാക്കാൻ കഴിഞ്ഞില്ല. ഇതോടെയാണ്…
Read More » -
‘മുനമ്പം ഇനി രാജ്യത്തെവിടെയും ആവര്ത്തിക്കില്ല’; കിരണ് റിജിജു
വഖഫ് നിയമം മുസ്ലീങ്ങള്ക്കെതിരല്ലെന്നും ഒരു വിഭാഗത്തെയും ലക്ഷ്യമിട്ടുള്ളതല്ലെന്നും കിരണ് റിജിജു. മുസ്ലീങ്ങള്ക്കെതിരായ നീക്കമെന്ന് ചിലര് പ്രചരിപ്പിക്കുന്നുവെന്നും വര്ഷങ്ങളായുള്ള തെറ്റ് തിരുത്തുകയാണ് സര്ക്കാര് ചെയ്തതെന്നും അദ്ദേഹം പറഞ്ഞു. സ്വന്തം ഭൂമിയുടെ ഉടമസ്ഥാവകാശം നടഷ്ടപ്പെട്ട ആയിരക്കണക്കിന് ജനങ്ങള്ക്ക് നീതി ലഭ്യമാക്കുകയാണ് ചെയ്തതെന്നും അദ്ദേഹം വ്യക്തമാക്കി. കൊച്ചിയില് വാര്ത്താ സമ്മേളനത്തില് സംസാരിക്കുകയായിരുന്നു അദ്ദേഹം. നിയമ ഭേദഗതി വന്നില്ലെങ്കില് ഏത് ഭൂമിയും വഖഫ് ഭൂമിയാകുന്ന അവസ്ഥയുണ്ടായിരുന്നുവെന്നും അദ്ദേഹം പറഞ്ഞു. മുനമ്പത്തുണ്ടായ സംഭവം ഇനി രാജ്യത്തെവിടെയും ആവര്ത്തിക്കില്ലെന്നും അദ്ദേഹം വ്യക്തമാക്കി. മുനമ്പത്തെ ഭൂമി കൈമാറ്റം ചെയ്യപ്പെട്ടു. ഇത് വഖഫിന് എതിരാണ്. ഹൈക്കോടതി…
Read More » -
നേര്യമംഗലത്ത് കെഎസ്ആര്ടിസി ബസ് താഴ്ചയിലേക്ക് മറിഞ്ഞു; 15 വയസ്സുകാരി മരിച്ചു; നിരവധി പേര്ക്ക് പരിക്ക്
തൊടുപുഴ നേര്യമംഗലം മണിയമ്പാറയില് കെഎസ്ആര്ടിസി ബസ് താഴ്ചയിലേക്ക് മറിഞ്ഞുണ്ടായ അപകടത്തിൽ 15 വയസ്സുകാരി മരിച്ചു. നിരവധി പേര്ക്ക് പരിക്കേറ്റു. രാവിലെ പതിനൊന്നുമണിയോടെയാണ് അപകടം ഉണ്ടായത്. കട്ടപ്പനയില് നിന്ന് എറണാകുളത്തേക്ക് പോകുകയായിരുന്ന ബസ് നിയന്ത്രണം വിട്ട് മറിയുകയായിരുന്നു. ബസിൽനിന്നു തെറിച്ചുവീണ 15 വയസ്സുകാരി അടിയിൽപെടുകയായിരുന്നു. ഉടൻ പുറത്തെടുത്ത് ആശുപ്രതിയിൽ എത്തിച്ചെങ്കിലും ജീവൻ രക്ഷിക്കാനായില്ല. അപകടം അറിഞ്ഞ് ഫയര്ഫോഴ്സ് ഉദ്യോഗസ്ഥര് സ്ഥലത്തെത്തി. നാട്ടുകാരും രക്ഷാപ്രവര്ത്തനത്തിന് നേതൃത്വം നല്കി.
Read More » -
സ്വയംഭരണാവകാശം പുനഃസ്ഥാപിക്കാൻ തമിഴ്നാട്: എംകെ സ്റ്റാലിന് നിയമസഭയില് പ്രമേയം അവതരിപ്പിച്ചു
സംസ്ഥാനത്തിന്റെ സ്വയംഭരണാവകാശം പുനഃസ്ഥാപിക്കുന്നതിനെ കുറിച്ച് പഠിക്കാൻ തമിഴ്നാട് സർക്കാർ ഉന്നത തല സമിതി രൂപീകരിച്ചു .ഇത് സംബന്ധിച്ച് മുഖ്യമന്ത്രി എം കെ സ്റ്റാൻലിൻ നിയമസഭയിൽ പ്രത്യേക പ്രസ്താവന നടത്തി . പൊതു വിദ്യാഭ്യാസം – പ്രവേശന പരീക്ഷകൾ – ഭാഷാ നയം തുടങ്ങിയ വിഷയങ്ങളിൽ കേന്ദ്രം സംസ്ഥാനത്തിൻ്റെ അവകാശങ്ങൾ കവരുന്നത്തിനെതിരെയാണ് നീക്കം. സംസ്ഥാനങ്ങളുടെ അവകാശങ്ങൾ പുനഃസ്ഥാപിച്ചു കിട്ടുന്നതിനായി ജസ്റ്റിസ് കുര്യൻ ജോസഫ് അധ്യക്ഷനായ സമിതി ശുപാർശകൾ നൽകും. സമിതിയുടെ ഇടക്കാല റിപ്പോർട്ട് അടുത്തവർഷം ജനുവരിയിൽ സമർപ്പിക്കും. ഫെഡറൽ തത്വങ്ങളിൽ പുനപരിശോധന വേണോ എന്നും സമിതി…
Read More » -
വീണ്ടും ജീവനെടുത്ത് കാട്ടാന; അതിരപ്പിളളിയില് രണ്ടുപേരെ ചവിട്ടിക്കൊന്നു
തൃശൂര് അതിരപ്പിള്ളിയില് വനവിഭവങ്ങള് ശേഖരിക്കാന് പോയ രണ്ട് ആദിവാസികളെ കാട്ടാന ചവിട്ടിക്കൊന്നു. വാഴച്ചാല് ശാസ്താപൂവം ഉന്നതിയിലെ സതീഷ്, അംബിക എന്നിവരാണ് കൊല്ലപ്പെട്ടത്. അതിരിപ്പിള്ളി വഞ്ചിക്കടവില് വനവിഭവങ്ങള് ശേഖരിക്കാനായി ഇവര് കുടില് കെട്ടി താമസിക്കുകയായിരുന്നു. ഇന്നലെ രാത്രിയാണ് കാട്ടാനക്കൂട്ടത്തിന്റെ ആക്രമണം ഉണ്ടായത്. ആക്രമണം ഉണ്ടായതോടെ ഇവര് ചിതറി ഓടുകയായിരുന്നു. ഗ്രാമവാസികള് നടത്തിയ തിരിച്ചിലിലാണ് ഇരുവരുടെയും മൃതദേഹങ്ങള് കണ്ടെത്തിയത്. വനം വകുപ്പ് ഉദ്യോഗസ്ഥര് ഉള്പ്പടെ സ്ഥലത്തെത്തിയിട്ടുണ്ട്. ഇന്നാലെ അതിരപ്പിള്ളി മലക്കപ്പാറയില് ഒരാളെ കാട്ടാന ചവിട്ടിക്കൊന്നിരുന്നു. തേന് ശേഖരിക്കാന് പോയപ്പോള് കാട്ടാനയുടെ മുന്നില്പ്പെടുകയായിരുന്നു.
Read More »