International
-
ഹോര്മുസ് കടലിടുക്ക് ഉപരോധിക്കാന് അമേരിക്കന് നേവിക്ക് നിര്ദേശം നല്കി ഡോണള്ഡ് ട്രംപ്
ഇസ്ലാമാബാദില് നടന്ന സമാധാന ശ്രമങ്ങള്ക്കായുള്ള ചര്ച്ചകള് പരാജയപ്പെട്ടതോടെ ഹോര്മുസില് നിലപാട് കടുപ്പിച്ച് അമേരിക്ക. ഹോര്മുസ് കടലിടുക്ക് ഉപരോധിക്കാന് അമേരിക്കന് നേവിക്ക് പ്രസിഡന്റ് ഡൊണള്ഡ് ട്രംപ് നിര്ദേശം നല്കി. അമേരിക്കയുടെ ഉപരോധ പ്രഖ്യാപനത്തെത്തുടര്ന്ന് ആഗോള വിപണിയില് എണ്ണവില കുതിച്ചുയര്ന്നു. സമാധാന കരാറിന് തൊട്ടടുത്തെത്തിയപ്പോള് അമേരിക്ക നിലപാടുകള് മാറ്റിയതാണ് തിരിച്ചടിയായതെന്ന് ഇറാന് വിദേശകാര്യമന്ത്രി അബ്ബാസ് അരാഗ്ചി കുറ്റപ്പെടുത്തി. ഇറാനിയന് തുറമുഖങ്ങളിലേക്കുള്ള എല്ലാ കപ്പല് ഗതാഗതവും തടഞ്ഞുകൊണ്ടുള്ള നാവിക ഉപരോധം തിങ്കളാഴ്ച രാവിലെ മുതല് ആരംഭിക്കുമെന്ന് യുഎസ് സെന്ട്രല് കമാന്ഡ് അറിയിച്ചു. ഹോര്മുസ് കടലിടുക്കിലെ ഇറാന് സ്ഥാപിച്ച മൈനുകള്…
Read More » -
അമേരിക്ക – ഇറാന് ചര്ച്ചകള് ഇസ്ലാമാബാദില് ഇന്നും തുടരും
അമേരിക്ക -ഇറാന് ചര്ച്ചകള് ഇസ്ലാമാബാദില് ഇന്നും തുടരും. നിര്ദേശങ്ങളില് ഇരുപക്ഷവും വിട്ടുവീഴ്ച ചെയ്തില്ല. ഇറാനെതിരെയുള്ള സൈനിക നടപടികള് തുടരുമെന്ന് ഇസ്രയേല് പ്രധാനമന്ത്രി ബെഞ്ചമിന് നെതന്യാഹു വ്യക്തമാക്കി. ഹോര്മുസ് കടലിടുക്ക് തുറക്കാതെ ചര്ച്ചയില് കാര്യമായ പുരോഗതിയുണ്ടാകാന് ബുദ്ധിമുട്ടെന്നാണ് അമേരിക്കയുടെ നിലപാട്. ഇറാനുമായി ധാരണയിലെത്താന് കഴിഞ്ഞില്ലെങ്കിലും അമേരിക്ക വിജയിക്കുമെന്ന് അമേരിക്കന് പ്രസിഡന്റ് ഡോണള്ഡ് ട്രംപ് പറഞ്ഞു. ഇറാന്- അമേരിക്ക അഞ്ചാം റൗണ്ട് ചര്ച്ച ഇസ്ലാമാബാദില് പൂര്ത്തിയായിരിക്കുകയാണ്. ഹോര്മുസ് കടലിടുക്ക് തുറക്കാത്തപക്ഷം ചര്ച്ചയില് അര്ത്ഥവത്തായ പുരോഗതി കൈവരിക്കുന്നത് ബുദ്ധിമുട്ടാണെന്ന് അമേരിക്ക സൂചന നല്കി. ഇരുപക്ഷവും നിരവധി കരട് രേഖകള്…
Read More » -
ജോൺസൺ സ്പേസ് സെന്ററിൽ വൻ വരവേൽപ് ; ചരിത്രദൗത്യം പൂർത്തിയാക്കി ആർട്ടെമിസ് 2 സംഘം
ചരിത്രദൗത്യം പൂർത്തിയാക്കി മടങ്ങിയെത്തിയ ആർട്ടെമിസ് 2 സംഘം ഹ്യൂസ്റ്റണിലെ നാസയുടെ ജോൺസൺ സ്പേസ് സെന്ററിൽ തിരിച്ചെത്തി. നാല് യാത്രികർക്കും വൻ സ്വീകരണമാണ് സ്പേസ് സെന്ററിൽ ഒരുക്കിയത്. എല്ലാവരും പൂർണ ആരോഗ്യവാന്മാരാണെന്ന് സ്പേസ് സെന്റർ വിശദമാക്കി. ആശങ്കകളൊന്നുമില്ലാത്ത ദൗത്യമായിരുന്നവെന്ന് യാത്രികർ പ്രതികരിക്കുന്നത്. കുടുംബാംഗങ്ങളെ വിട്ടു നിൽക്കുന്നതായിരുന്നു ഏറ്റവും വലിയ വെല്ലുവിളിയെന്നാണ് യാത്രികരുടെ പ്രതികരണം. ചാന്ദ്ര പര്യവേഷണത്തിൽ ഇനി അമേരിക്ക മുന്നേറ്റം തുടരുമെന്ന് നാസ മേധാവി ജാരെഡ് ഐസക്ക്മാൻ വിശദമാക്കി. വൈകാതെ തന്നെ ആർട്ടെമിസ് 3 ദൗത്യത്തിനുള്ള ഒരുക്കങ്ങൾ ഉടൻ തുടങ്ങുമെന്നും നാസ വിശദമാക്കി. ചന്ദ്രനെ ചുറ്റിയ…
Read More » -
യുഎസ് – ഇറാന് സമാധാന ചര്ച്ചകള് ; ഇസ്ലാമാബാദില് ഇന്ന് തുടക്കമാകും
യുഎസ് – ഇറാന് സമാധാന ചര്ച്ചകള്ക്ക് പാകിസ്ഥാന് തലസ്ഥാനമായ ഇസ്ലാമാബാദില് ഇന്ന് തുടക്കമാകും. അമേരിക്കന് വൈസ് പ്രസിഡന്റ് ജെ ഡി വാന്സും ഇറാന് പാര്ലമെന്റ് സ്-പീക്കര് മുഹമ്മദ് ബാഗര് ഗാലിബാഫും തമ്മിലുള്ള നിര്ണായക കൂടിക്കാഴ്ച ശനിയാഴ്ച രാവിലെ നടക്കും. പാകിസ്ഥാന് പ്രധാനമന്ത്രി ഷെഹ്ബാസ് ഷെരീഫിന്റെ മധ്യസ്ഥതയിലാണ് സംഭാഷണം. ചര്ച്ച പരാജയപ്പെട്ടാല് പശ്ചിമേഷ്യ വീണ്ടും യുദ്ധത്തിലേക്ക് നീങ്ങുമെന്ന ആശങ്കയിലാണ് ലോകം.രണ്ടാഴ്ചത്തെ താല്ക്കാലിക വെടിനിര്ത്തലിന് അമേരിക്കയും ഇറാനും ധാരണയിലെത്തിയെങ്കിലും ഇതിന്റെ സ്ഥിരത സംബന്ധിച്ച് അനിശ്ചിതത്വം നിലനില്ക്കുന്നുണ്ട്. ഹിസ്ബുള്ളയ്ക്ക് നേരെ ഇസ്രയേല് നടത്തുന്ന ശക്തമായ ആക്രമണങ്ങളും കരാറില് ലെബനനെ…
Read More » -
ചരിത്രം കുറിച്ച് ആർട്ടെമിസ് 2 സംഘം; ചന്ദ്രയാത്ര കഴിഞ്ഞ് ഒറയോൺ പേടകം ഭൂമിയിലേക്ക് തിരിച്ചെത്തി
ചരിത്രം കുറിച്ച് ആർട്ടെമിസ് 2 സംഘം ഭൂമിയിലേക്ക് തിരിച്ചെത്തി. ചന്ദ്രനെ ചുറ്റിയ പേടകം ഇന്ത്യന് സമയം പുലർച്ചെ 5.07നാണ് പേടകം ഭൗമാന്തരീക്ഷത്തിൽ പ്രവേശിച്ചത്. 5.37ന് സാന്റിയാഗോ തീരത്തോട് ചേർന്ന് ശാന്ത സമുദ്രത്തില് സ്പ്ലാഷ് ഡൗണ് നടന്നു. അമ്പത്തിനാല് വർഷത്തിന് ശേഷമാണ് മനുഷ്യർ ചന്ദ്രന്റെ മറുപുറം കണ്ട് തിരിച്ചെത്തിയിരിക്കുന്നത്. ഭൂമിയിൽ നിന്ന് കാണാൻ കഴിയാത്ത ചന്ദ്രന്റെ വശം കണ്ടാണ് ഒറയോൺ പേടകം ചന്ദ്രനെ ചുറ്റി വന്നത്. നാലേ കാലിന് ചന്ദ്രൻ്റെ പിന്നിലേക്ക് പോയ പേടകവുമായി നാൽപ്പത് മിനുട്ടോളം ഭൂമിയിൽ നിന്നുള്ള ബന്ധമില്ലായിരുന്നു. പുത്തൻ നാഴികക്കല്ലുകൾ സ്വന്തം…
Read More » -
നിലപാടുകൾ സ്വാഗതാർഹം ; യുദ്ധം അവസാനിപ്പിക്കാൻ ഇന്ത്യ നടത്തുന്ന ചർച്ചകളെ പുകഴ്ത്തി ഇറാൻ
യുദ്ധം അവസാനിപ്പിക്കാൻ ഇന്ത്യ നടത്തുന്ന ചർച്ചകളെ പുകഴ്ത്തി ഇറാൻ രംഗത്ത്. സംഘർഷം തീർക്കണമെന്ന ഇന്ത്യയുടെ നിലപാട് സ്വാഗതാർഹമെന്ന് ഇറാൻ അംബാസഡർ പറഞ്ഞു. ഹോർമുസ് കടലിടുക്ക് വഴി ഇന്ത്യയുടെ കപ്പലുകൾക്ക് സുരക്ഷിത പാത കിട്ടുമെന്നും ഇറാൻ പറഞ്ഞു. കഴിഞ്ഞ ദിവസം ഇന്ത്യയുടെ ഒരു കപ്പൽ ഹോർമൂസ് കടലിടുക്ക് കടന്നിരുന്നു. എൽപിജി നിറച്ച ഒരു ഇന്ത്യൻ കപ്പൽ കൂടിയാണ് ഹോർമുസ് കടലിടുക്ക് കടന്നത്. ഗ്രീൻ ആശ എന്ന കപ്പലാണ് സുരക്ഷിതമായി കടലിടുക്ക് കടന്നതായി അധികൃതർ അറിയിച്ചത്. 15,400 ടൺ എൽപിജിയാണ് കപ്പലിലുള്ളത്. ഇതോടെ യുദ്ധം തുടങ്ങിയ ശേഷം…
Read More » -
പുതുചരിത്രം കുറിച്ച് ആർട്ടിമിസ് 2; ഭൂമിയിൽ നിന്ന് ഏറ്റവും കൂടുതൽ സഞ്ചരിച്ച സംഘമായി ഓറിയോൺ പേടകം
ചന്ദ്രന്റെ തൊട്ടടുത്തെത്തി ചരിത്രംകുറിച്ച് ആർട്ടിമിസ് 2. ഭൂമിയിൽ നിന്ന് ഏറ്റവും കൂടുതൽ ദൂരം സഞ്ചരിച്ച സംഘമായി ഓറിയോൺ പേടകത്തിലെ സംഘം മാറി. അപ്പോളോ 13 സഞ്ചരിച്ചതിനേക്കാള് 6,616 കിമീ ദൂരം അധികമാണ് ആർട്ടിമിസ് 2 ദൗത്യസംഘം സഞ്ചരിച്ചത്. ഇന്ത്യൻ സമയം പുലർച്ചെ 4.32നാണ് ഒറിയോണ് പേടകം ഭൂമിയില് നിന്ന് ഏറ്റവും അകലെയെത്തിയത്. 4,06,788 കിലോമീറ്റർ ദൂരമാണ് പേടകം സഞ്ചരിച്ചത്. പേടകം ചന്ദ്രനെ ചുറ്റുകയും ചെയ്തു. 54 വർഷത്തിന് ശേഷമാണ് ചന്ദ്രന് പിന്നിലൂടെ ഒരു പേടകം യാത്ര ചെയ്യുന്നത്. പേടകം ചന്ദ്രന് പിന്നിലൂടെ കടന്നുപോയപ്പോൾ 40…
Read More » -
പശ്ചിമേഷ്യന് സംഘര്ഷം; യുഎസ് യുദ്ധവിമാനങ്ങള് വെടിവെച്ചിട്ട് ഇറാന്, പ്രതികരിച്ച് ട്രംപ്
പശ്ചിമേഷ്യന് സംഘര്ഷത്തിനിടെ അമേരിക്ക 48 മണിക്കൂര് വെടിനിര്ത്തല് ആവശ്യപ്പെട്ടതായി റിപ്പോര്ട്ട്. അമേരിക്ക മറ്റൊരു രാജ്യം വഴി ഇറാനോട് വെടിനിര്ത്തല് ആവശ്യപ്പെട്ടതായാണ് റിപ്പോര്ട്ട്. മേഖലയില് യുഎസ് സേന നേരിടുന്ന വെല്ലുവിളികള് വര്ധിച്ചതിന് പിന്നാലെയാണ് ട്രംപിന്റെ നീക്കം. അതേസമയം അമേരിക്കന് യുദ്ധവിമാനം ഇറാന് വെടിവെച്ചിട്ടതായും റിപ്പോര്ട്ടുണ്ട്. യുഎസിന്റെ എഫ്-15ഇ സ്ട്രൈക്ക് ഈഗിള് യുദ്ധവിമാനമാണ് ഇറാന് ആക്രമണത്തില് തകര്ന്നത്. യുദ്ധവിമാനത്തിലെ രണ്ട് വൈമാനികരില് ഒരാളെ യുഎസ് സ്പെഷ്യല് ഫോഴ്സ് സാഹസികമായി രക്ഷപ്പെടുത്തിയെന്നാണ് റിപ്പോര്ട്ട്. കാണാതായ രണ്ടാമത്തെ പൈലറ്റിനായുള്ള തിരച്ചില് ഊര്ജിതമായി തുടരുകയാണ്. ഇസ്രയേല് മാധ്യമങ്ങളെയും സിബിഎസ് ന്യൂസിനെയും ഉദ്ധരിച്ചാണ്…
Read More » -
ആര്ട്ടെമിസ് 2 : ഭൂമിയുടെ ഭ്രമണപഥം വിട്ട് ചന്ദ്രനിലേക്ക്
ആര്ടെമിസ് 2 ദൗത്യത്തിന്റെ ഭാഗമാകുന്ന നാല് ബഹിരാകാശ സഞ്ചാരികളെ വഹിക്കുന്ന ഓറിയോണ് ബഹിരാകാശ പേടകം ഭൂമിയുടെ ഭ്രമണപഥം വിട്ട് ചന്ദ്രനിലേക്ക്. ഓറിയോണ് പേടകം ചന്ദ്രനിലേക്ക് യാത്ര തുടങ്ങി. ട്രാന്സ് ലൂണാര് ഇന്ജക്ഷന് ബേണ് പൂര്ത്തിയായതായി നാസ വ്യക്തമാക്കി. നാല് ബഹിരാകാശ സഞ്ചാരികള് ഉള്പ്പെട്ട സംഘമാണ് ആര്ട്ടെമിസ് 2 ദൗത്യം നയിക്കുന്നത്. നാസയുടെ റീഡ് വൈസ്മാന് (കമാന്ഡര്), വിക്ടര് ഗ്ലോവര് (മിഷന് പൈലറ്റ്), ക്രിസ്റ്റീന കോച്ച് (മിഷന് സ്പെഷ്യലിസ്റ്റ്), കാനഡയുടെ ജെറെമി ഹാന്സണ് (മിഷന് സ്പെഷ്യലിസ്റ്റ്) എന്നിവരാണ് സഞ്ചാരികള്. ഇതോടെ ചന്ദ്രന്റെ പരിസരത്തേയ്ക്ക് യത്ര ചെയ്യുന്ന…
Read More » -
ഹോര്മൂസ് കടലിടുക്ക് തുറക്കണം; ലോകരാജ്യങ്ങളുടെ യോഗം വിളിച്ച് ബ്രിട്ടന്
ഹോര്മുസ് കടലിടുക്ക് തുറക്കണമെന്ന് ബഹ്റൈന്. ഐക്യരാഷ്ട്രസഭയിലാണ് ബഹ്റൈന്റെ പ്രമേയം. സുരക്ഷിതമായി കടലിടുക്ക് കടക്കാന് രാജ്യങ്ങള്ക്ക് അവകാശമുണ്ട്. സുരക്ഷാമുന്കരുതല് സ്വീകരിക്കാന് രാജ്യങ്ങള്ക്ക് അവകാശമുണ്ട്. ഇതിന് അന്താരാഷ്ട്ര നിയമ പിന്തുണ വേണമെന്നും ബഹ്റൈന് പ്രമേയത്തില് ആവശ്യപ്പെടുന്നു. ജിസിസി രാജ്യങ്ങളുടെ പിന്തുണയോടെയാണ് ബഹ്റൈന്റെ നീക്കം. എന്നാല് വീറ്റോ അധികാരമുള്ള ചൈന ബലപ്രയോഗത്തിലൂടെ കടലിടുക്ക് തുറക്കണമെന്ന ആവശ്യത്തെ എതിര്ക്കുന്നുണ്ട്. അതേസമയം അമേരിക്കയുടേയും മറ്റ് ഗള്ഫ് രാജ്യങ്ങളുടേയും പിന്തുണ ബഹ്റൈന് പ്രതീക്ഷിക്കുന്നു. റഷ്യയും ബലപ്രയോഗത്തെ എതിര്ക്കുന്നു. വാണിജ്യ കപ്പല് ഗതാഗതം സംരക്ഷിക്കുന്നതിന് യുഎന്നില് നിന്ന് ഏകീകൃത നിലപാട് പ്രതീക്ഷിക്കുന്നുവെന്ന് ബഹ്റൈന് വിദേശകാര്യമന്ത്രി…
Read More »