തദ്ദേശ സ്ഥാപനങ്ങളിലെ വിവിധ സ്ഥിരംസമിതി അംഗങ്ങളുടെ തെരഞ്ഞെടുപ്പിന് തിങ്കളാഴ്ച തുടക്കമായി. കണ്ണൂര്, കോഴിക്കോട് കോര്പറേഷനുകളില് ഇന്ന് ( ചൊവ്വാഴ്ച) തെരഞ്ഞെടുപ്പ് നടക്കും. തിരുവനന്തപുരം, കൊല്ലം, എറണാകുളം, തൃശൂര് കോര്പറേഷനില് ബുധനാഴ്ചയാണ് തെരഞ്ഞെടുപ്പ്.
ധനം, വികസനം, ക്ഷേമം, ആരോഗ്യം, മരാമത്ത്, വിദ്യാഭ്യാസം, കലാകായികം, നഗരാസൂത്രണം, നികുതി- അപ്പീല് എന്നിങ്ങനെ എട്ടു സ്ഥിരം സമിതികളാണുള്ളത്. ഗ്രാമ, ബ്ലോക്ക്, പഞ്ചായത്തില് നാലും ജില്ലാ പഞ്ചായത്തില് അഞ്ചും മുനിസിപ്പാലിറ്റിയില് ആറും സ്ഥിരംസമിതികളാണ് രൂപീകരിക്കേണ്ടത്.
ബുധനാഴ്ചയ്ക്ക് മുന്പ് സംസ്ഥാനത്തെ തദ്ദേശ സ്ഥാപനങ്ങളില് സ്ഥിരംസമിതി അംഗങ്ങളെ തെരഞ്ഞെടുക്കണം. സമിതി അംഗങ്ങളുടെ തെരഞ്ഞെടുപ്പിന് ശേഷം സ്ഥിരംസമിതി അധ്യക്ഷരെ തീരുമാനിക്കും. അധ്യക്ഷരെ തെരഞ്ഞെടുക്കാനുള്ള യോഗ നോട്ടീസ് സ്ഥിരംസമിതിയിലെ എല്ലാ അംഗങ്ങള്ക്കും യോഗത്തിന് രണ്ടു ദിവസം മുന്പാണ് നല്കുക.
