ചാമ്പ്യൻസ് ട്രോഫി: ഒറ്റപ്പന്തുപോലും എറിയാതെ ദക്ഷിണാഫ്രിക്ക-ഓസ്ട്രേലിയ മത്സരം ഉപേക്ഷിച്ചു 

റാവല്‍പിണ്ടി: ചാമ്പ്യൻസ് ട്രോഫിയിലെ ​ഗ്രൂപ് ബിയിൽ ദക്ഷണാഫ്രിക്ക-ഓസ്ട്രേലിയ മത്സരം മഴകാരണം ഉപേക്ഷിച്ചു. ഒരുപന്തുപോലും എറിയാതെയാണ് മത്സരം ഉപേക്ഷിച്ചത്. മണിക്കൂറുകൾ കാത്തിരുന്നതിന് ശേഷവും മത്സരം നടത്താൻ സാധിക്കില്ലെന്ന് കണ്ടതോടെയാണ് അമ്പയർമാർ മത്സരം ഉപേക്ഷിക്കാൻ തീരുമാനിച്ചത്. ഇതോടെ ഇരു ടീമും പോയിന്റ് പങ്കിട്ടു. മത്സരം ഉപേക്ഷിച്ചതോടെ ​ഗ്രൂപ്പ് ബിയിലെ സെമിപ്രവേശനത്തിനായുള്ള പോരാട്ടം വീണ്ടും കടുക്കും. ആദ്യ മത്സരം തോറ്റ ഇം​ഗ്ലണ്ടിനും അഫ്​ഗാനിസ്ഥാനും ഇനി വിജയിച്ചാൽ സാധ്യതയേറും. അതോടൊപ്പം റൺറേറ്റും നിർണായകമാകും. ആദ്യമത്സരത്തിൽ ഓസ്ട്രേലിയ ഇം​ഗ്ലണ്ടിനെയും ദക്ഷിണാഫ്രിക്ക അഫ്​ഗാനിസ്ഥാനെയും തോൽപ്പിച്ചിരുന്നു.