കേരള വാട്ടർ അതോറിറ്റി കരാർ തൊഴിലാളി യൂണിയൻ സി ഐ ടി യു മാർച്ച് 10 തിങ്കളാഴ്ച ജലഭവനിലേക്ക് മാർച്ച് ഉം ധർണയും നടത്തുകയുണ്ടായി. വർഷങ്ങളായി എച്ച് ആർ കരാർ ജീവനക്കാർക്കെതിരെ KWA മാനേജ്മെൻറ് നടത്തുന്ന അവഗണയ്ക്ക് എതിരെ ആയിരുന്നു പ്രതിഷേധ സമരം. പ്രതിഷേധ സമരം CITU സംസ്ഥാന സെക്രട്ടറി സഖാവ് കെ എൻ ഗോപിനാഥ് ഉദ്ഘാടനം ചെയ്യുകയും സമരത്തിൽ H. സലാം എംഎൽഎ യൂണിയൻ സംസ്ഥാന പ്രസിഡണ്ട്, സഖാവ് കെ പി പ്രമോഷ് സംസ്ഥാന ജനറൽ സെക്രട്ടറി, മാനുഷ് KWA എംപ്ലോയീസ് യൂണിയൻ തിരു ജില്ലാ സെക്രട്ടറി… തുടങ്ങിയവർ സംസാരിക്കുകയും ചെയ്തു .
കേരളത്തിലെ ജലവിതരണ മേഖലയിലെ 24 മണിക്കൂറും തൊഴിലെടുക്കുന്ന മുഴുവൻ കരാർ തൊഴിലാളികൾക്കും വേതന വർദ്ധനവ് ഉടനെ അനുവദിക്കണമെന്നും , കേരള വാട്ടർ അതോറിറ്റി മുൻ എംഡിയുടെ സർക്കുലർ പ്രകാരമുള്ള ഉത്സവബത്ത അനുവദിക്കുകയും, പിരിച്ചുവിടൽ ഒഴിവാക്കുകയും, വേതന വിതരണത്തിലെ അപാകതകൾ ഒഴിവാക്കി ,മീറ്റർ റീഡർ മാരുടെ വിഷയം പ്രത്യകം ചർച്ചയിൽ പ്രയാസം ഒഴിവാക്കുന്നതിന് വേണ്ടിയുള്ള നടപടികൾ സ്വീകരിക്കണമെന്നും ശക്തമായ ആവശ്യം പ്രസ്തുത നേതാക്കൾ ഉന്നയിക്കുകയുണ്ടായി.ഈ ധർണ്ണാ സമരത്തിൽ സംസ്ഥാനത്തെ മുഴുവൻ ജില്ലകളിൽ നിന്നും 500 ലേറെ പേർ പങ്കെടുക്കുകയും സമരത്തെ അഭിവാദ്യം ചെയ്തുകൊണ്ട് നിരവധി ജില്ലാ സംസ്ഥാന നേതാക്കൾ സംസാരിക്കുകയും ഉണ്ടായി . KWA -MD ഉള്ള കൂടിക്കാഴ്ചയിൽ ഉന്നയിക്കപ്പെട്ട വിഷയങ്ങളിൽ അനുഭാവപൂർവ്വമായ നടപടി സ്വീകരിക്കുമെന്ന് യൂണിയൻ സംസ്ഥാന പ്രസിഡണ്ട് സലാം ഉൾപ്പെടെയുള്ള നേതാക്കൾക്ക് ഉറപ്പ് നൽകുകയുണ്ടായി. നൽകിയിട്ടുള്ള ഉറപ്പുകൾ പാലിക്കപ്പെട്ടില്ല എങ്കിൽ അനിശ്ചിത കാല സമരങ്ങളിലേക്ക് നീങ്ങുമെന്ന് നേതാക്കൾ അറിയിച്ചു.
