News
-
മാര്ച്ച് മാസത്തെ റേഷന് വിതരണം വ്യാഴാഴ്ച വരെ നീട്ടി
സംസ്ഥാനത്തെ മാര്ച്ച് മാസത്തെ റേഷന് വിതരണം ഏപ്രില് മൂന്ന് വരെ നീട്ടിയതായി ഭക്ഷ്യമന്ത്രി ജി ആര് അനില്. ഏപ്രില് നാലിന് മാസാന്ത്യ കണക്കെടുപ്പുമായി ബന്ധപ്പെട്ട് റേഷന് വ്യാപാരികള്ക്ക് അവധി ആയിരിക്കും. അഞ്ചുമുതല് ഏപ്രില് മാസത്തെ റേഷന് വിതരണം ആരംഭിക്കും. ശനിയാഴ്ച വൈകീട്ട് വരെ 75 ശതമാനം കാര്ഡ് ഉടമകള് റേഷന് കൈപ്പറ്റിയതായും മന്ത്രി അറിയിച്ചു.
Read More » -
മോഹന്ലാലിനെതിരെ സൈബര് ആക്രമണം; ഉടന് നടപടിയുണ്ടാകുമെന്ന് ഡിജിപി
നടന് മോഹന്ലാലിനെതിരെയുള്ള സൈബര് ആക്രമണത്തില് ഉടന് നടപടിയെടുക്കും. എംപുരാന് സിനിമയോടനുബന്ധിച്ചുള്ള വിവാദത്തില് മോഹന്ലാല് ഉള്പ്പെടെയുള്ളവര്ക്കെതിരെയുള്ള സൈബര് ആക്രമണത്തില് സുപ്രീംകോടതി അഭിഭാഷകന് തീക്കാടന് ആണ് പരാതി നല്കിയത്. പരാതിയില് ഉടന് നടപടി ഉണ്ടാകുമെന്നാണ് ഡിജിപി മറുപടി നല്കിയിരിക്കുന്നത്. അതേസമയം സിനിമക്ക് പരസ്യ പിന്തുണയുമായി ഡിവൈഎഫ്ഐ രംഗത്തെത്തിയിട്ടുണ്ട്. സിനിമയെ പിന്തുണച്ച് കൊണ്ട് മാനവീയം വീഥിയില് ഇന്ന് വൈകുന്നേരം ഐക്യദാര്ഢ്യ പരിപാടി സംഘടിപ്പിക്കും. എമ്പുരാന്റെ റീ എഡിറ്റഡ് പതിപ്പ് വ്യാഴാഴ്ചയോടെ തിയറ്ററുകളില് എത്തുമെന്നാണ് വിവരം. ആദ്യ മുപ്പത് മിനിറ്റില് കാണിക്കുന്ന ഗുജറാത്ത് കലാപ രംഗങ്ങള് കുറയ്ക്കും. കേന്ദ്ര സര്ക്കാരിന്…
Read More » -
ഉത്തരക്കടലാസ് നഷ്ടപ്പെട്ട സംഭവം; അധ്യാപകനെതിരെ കർശന നടപടി, പ്രത്യേക പരീക്ഷ നടത്തി ഉടൻ ഫലപ്രഖ്യാപനം
കേരള സർവ്വകലാശാലയിൽ എംബിഎ ഉത്തരക്കടലാസ് നഷ്ടപ്പെട്ട സംഭവത്തിൽ വിദ്യാർത്ഥികൾക്കുണ്ടായ ബുദ്ധിമുട്ടുകൾ കണക്കിലെടുത്ത് അതിവേഗം സ്പെഷ്യൽ പരീക്ഷ നടത്തി ഫലപ്രഖ്യാപനം നടത്തുമെന്ന് സിൻഡിക്കേറ്റ്. അധ്യാപകനെതിരെ കർശന നടപടി സ്വീകരിക്കും. അതേസമയം, ഒരു വർഷം കഴിഞ്ഞ ശേഷം വീണ്ടും പരീക്ഷ എഴുതാൻ ആവശ്യപ്പെടുന്നതിൽ നീതീകരണമില്ലെന്നും സെമസ്റ്ററിലെ മറ്റ് പേപ്പറുകൾക്ക് ലഭിച്ച മാർക്കിന്റെ ആനുപാതിക മാർക്ക് നഷ്ടപ്പെട്ട പേപ്പറിനും നൽകണമെന്നുമാണ് വിദ്യാർത്ഥികളുടെ ആവശ്യം. കേന്ദ്രീകൃത മൂല്യനിർണ്ണയം നിർത്തലാക്കേണ്ടിവന്നതാണ് നിലവിലെ സാഹചര്യത്തിന് കാരണമെന്നും, അതേ സംവിധാനം തിരികെ കൊണ്ടുവരണമെന്നും സേവ് യൂണിവേഴ്സിറ്റി ആവശ്യപ്പട്ടു. കഴിഞ്ഞ ദിവസം റിപ്പോർട്ടറാണ് കേരള സർവ്വകലാശാലയിലെ…
Read More » -
ചോദ്യത്തിനൊപ്പം ഉത്തരവും നൽകി; PSC വകുപ്പ് തല പരീക്ഷ റദ്ദാക്കി
പിഎസ്സി വകുപ്പ് തല പരീക്ഷയിൽ ചോദ്യത്തിനൊപ്പം ഉത്തരവും പരീക്ഷ കേന്ദ്രങ്ങളിൽ എത്തിച്ചു. ചോദ്യത്തിൻ്റെ കവറിനൊപ്പം ഉത്തര സൂചികയും ഉൾപ്പെടുത്തിയാണ് കേന്ദ്രങ്ങളിൽ ചോദ്യപേപ്പറുകൾ എത്തിച്ചത്. ഇത് ശ്രദ്ധയിൽപ്പെട്ടതോടെ പിഎസ്സി പരീക്ഷ റദ്ദാക്കുകയായിരുന്നു. സർവ്വേ വകുപ്പിലെ സർവേയർ വകുപ്പ് തല പരീക്ഷയിലാണ് ഗുരുതപിഴവ് സംഭവിച്ചത്. തിരുവനന്തപുരം, എറണാകുളം, കോഴിക്കോട് എന്നീ മൂന്ന് കേന്ദ്രങ്ങളിലാണ് പരീക്ഷ നിശ്ചയിച്ചിരുന്നത്. റദ്ദാക്കിയ പരീക്ഷ പിന്നീട് നടത്തുമെന്ന് പിഎസ്സി അറിയിച്ചു. അതേസമയം, കേരള യൂണിവേഴ്സിറ്റി എംബിഎ പരീക്ഷയുടെ ഉത്തരക്കടലാസ് നഷ്ടമായതില് വൈസ് ചാന്സിലര് അടിയന്തര യോഗം വിളിച്ചു. ഏപ്രില് 1 നാണ് യോഗം…
Read More » -
‘വധശിക്ഷയ്ക്ക് ജയില് അധികൃതര്ക്ക് അറിയിപ്പ് ലഭിച്ചു’; ആക്ഷൻ കൗണ്സിലിന് നിമിഷ പ്രിയയുടെ സന്ദേശം
വധശിക്ഷയ്ക്ക് ജയില് അധികൃതര്ക്ക് അറിയിപ്പ് ലഭിച്ചതായി യെമനില് വധശിക്ഷ കാത്ത് ജയിലില് കഴിയുന്ന മലയാളി നഴ്സ് നിമിഷ പ്രിയയുടെ സന്ദേശം. സേവ് നിമിഷ പ്രിയ ആക്ഷന് കൗണ്സില് കണ്വീനര് ജയന് ഇടപാളിനാണ് ഓഡിയോ സന്ദേശം ലഭിച്ചത്. വധശിക്ഷ നടപ്പാക്കാന് തീരുമാനിച്ചെന്നും ഉത്തരവ് ജയിലില് ലഭിച്ചെന്നുമാണ് സന്ദേശം. ഒരു അഭിഭാഷകയാണ് തന്നെ വിളിച്ചറിയിച്ചതെന്നും നിമിഷ പ്രിയ സന്ദേശത്തില് പറയുന്നു. നേരത്തെ നിമിഷ പ്രിയയുടെ മോചനത്തില് മാനുഷിക പരിഗണനയില് ഇടപെടല് നടത്താന് തയ്യാറാണെന്ന് ഇറാന് അറിയിച്ചുവെന്ന തരത്തില് റിപ്പോര്ട്ടുകള് പുറത്തുവന്നിരുന്നു. ഇറാന് വിദേശകാര്യ സഹമന്ത്രിയുടെ ഇന്ത്യ സന്ദര്ശനത്തിനിടെ…
Read More » -
അങ്കണവാടി ജീവനക്കാരുടെ സമരം അവസാനിപ്പിച്ചു; തീരുമാനം ധനമന്ത്രിയുമായി നടത്തിയ ചർച്ചയെ തുടർന്ന്
സെക്രട്ടറിയേറ്റിനു മുന്നിലെ അങ്കണവാടി ജീവനക്കാരുടെ സമരം അവസാനിപ്പിച്ചു. കഴിഞ്ഞ 13 ദിവസമായി സമരത്തിൽ ആയിരുന്നു ജീവനക്കാർ. ധനമന്ത്രി കെ എൻ ബാലഗോപാലുമായി നടത്തിയ ചർച്ചയിൽ പ്രശ്നങ്ങൾ പരിഹരിക്കുമെന്ന് സർക്കാർ ഉറപ്പു നൽകിയതിനെ തുടർന്നാണ് ജീവനക്കാർ സമരം അവസാനിപ്പിച്ചത്. പ്രശ്നപരിഹാരത്തിനായി മൂന്നുമാസത്തെ സമയമാണ് സർക്കാർ ആവശ്യപ്പെട്ടിരിക്കുന്നത്. മൂന്ന് മാസം കൊണ്ട് ആവശ്യങ്ങൾ പരിഗണിച്ചില്ലെങ്കിൽ പട്ടിണി സമരവുമായി എത്തുമെന്ന് സമരസമിതി വ്യക്തമാക്കി. സർക്കാർ ജീവനക്കാരായി പരിഗണിക്കുക, ഓണറേറിയം വർധിപ്പിക്കുക, മിനിമം വേതനം 21,000 രൂപയാക്കുക, വേതനം ഒറ്റ തവണയായി നൽകുക, ഇ എസ് ഐ ആനുകൂല്യം നടപ്പിലാക്കുക…
Read More » -
വേനൽ ചൂട് ഉയരുന്നു; ‘ഉഷ്ണതരംഗ സാധ്യത മുന്നിൽക്കണ്ട് ജാഗ്രത തുടരണം’: മുഖ്യമന്ത്രി പിണറായി വിജയൻ
സംസ്ഥാനത്തെ വേനൽ ചൂട് ഉയരുന്ന സാഹചര്യത്തിൽ ഉഷ്ണതരംഗ സാധ്യത മുന്നിൽക്കണ്ട് ജാഗ്രത തുടരണമെന്നും വകുപ്പുകൾ ഏകോപിതമായ പ്രവർത്തനങ്ങൾ നടത്തണമെന്നും മുഖ്യമന്ത്രി പിണറായി വിജയൻ നിർദ്ദേശിച്ചു. ഉഷ്ണ തരംഗ സാധ്യത തുടരുന്ന സാഹചര്യം, മഴക്കാല പൂർവ ശുചീകരണം, ആരോഗ്യ ജാഗ്രത- പകർച്ചവ്യാധി പ്രതിരോധ നടപടികൾ എന്നിവയുമായി ബന്ധപ്പെട്ട കാര്യങ്ങൾ ചർച്ച ചെയ്യുന്നതിനായി വിളിച്ചു ചേർത്ത യോഗത്തിൽ സംസാരിക്കുകയായിരുന്നു മുഖ്യമന്ത്രി. വേനൽമഴ ലഭിക്കുന്നതിനാൽ മുൻവർഷങ്ങളെ അപേക്ഷിച്ച് വൈകിട്ടത്തെ ചൂടിൽ കുറവ് അനുഭവപ്പെടുമെങ്കിലും ജാഗ്രതയിൽ കുറവുണ്ടാകാൻ പാടില്ല. ഇതിനായി ഉഷ്ണതരംഗത്തെ മറികടക്കാൻ കഴിയുന്ന നിർദ്ദേശങ്ങളും ജാഗ്രതാ സന്ദേശങ്ങളും തദ്ദേശസ്വയംഭരണ…
Read More » -
ഛത്തീസ്ഗഡില് ഏറ്റുമുട്ടല്; 15 മാവോയിസ്റ്റുകളെ സൈന്യം വധിച്ചു
ഛത്തീസ്ഗഡിലെ സുക്മയിൽ ശനിയാഴ്ച നടന്ന ഏറ്റുമുട്ടലിൽ 16 മാവോയിസ്റ്റുകൾ കൊല്ലപ്പെടുകയും രണ്ട് സുരക്ഷാ ഉദ്യോഗസ്ഥർക്ക് പരിക്കേൽക്കുകയും ചെയ്തതായി പൊലീസ്. മാവോയിസ്റ്റുകളും സംയുക്ത സുരക്ഷാ സംഘവും കേർലാപാൽ പോലീസ് സ്റ്റേഷൻ പരിധിയിലെ വനത്തിൽ രാവിലെയാണ് വെടിവയ്പ്പ് ഉണ്ടായതെന്ന് ഉദ്യോഗസ്ഥൻ പറഞ്ഞു. കേർലാപാൽ പ്രദേശത്ത് മാവോയിസ്റ്റുകളുടെ സാന്നിധ്യമുണ്ടെന്ന വിവരങ്ങളുടെ അടിസ്ഥാനത്തിൽ വെള്ളിയാഴ്ച രാത്രി ആരംഭിച്ച ഓപ്പറേഷനിൽ ജില്ലാ റിസർവ് ഗാർഡ് (ഡിആർജി), സെൻട്രൽ റിസർവ് പോലീസ് ഫോഴ്സ് (സിആർപിഎഫ്) എന്നീ ഫോഴ്സുകളാണ് പങ്കെടുത്തത്. ഏറ്റുമുട്ടൽ സ്ഥലത്ത് നിന്ന് ഇതുവരെ 16 മാവോയിസ്റ്റുകളുടെ മൃതദേഹങ്ങൾ കണ്ടെടുത്തിട്ടുണ്ട്. ഓപ്പറേഷൻ തുടരുകയാണെന്നും…
Read More » -
സംസ്ഥാനത്ത് സ്വര്ണവിലയിൽ വീണ്ടും റെക്കോര്ഡ് വർദ്ധനവ് : പവന് 160 രൂപ കൂടി
സംസ്ഥാനത്ത് സ്വര്ണവില വീണ്ടും റെക്കോര്ഡ് ഭേദിച്ച് കുതിക്കുകയാണ്. പവന് വലിയ വര്ധനവ് ആണ് ഉണ്ടായിരിക്കുന്നത്. ഇന്ന് 160 രൂപയുടെ വര്ദ്ധനവ് ആണ് സ്വര്ണത്തിന് ഉണ്ടായത്. 66,880 രൂപയാണ് ഇന്ന് ഒരു പവന് സ്വര്ണത്തിന്റെ വില. 8360 രൂപയാണ് ഇന്ന് ഒരു ഗ്രാം സ്വര്ണത്തിന് നല്കേണ്ടത്. ഓഹരി വിപണിയിലെ ചലനങ്ങളും രാജ്യാന്തര വിപണിയിലെ മാറ്റങ്ങളുമാണ് വിപണിയില് പ്രതിഫലിക്കുന്നത്. ജനുവരി 22നാണ് പവന് വില ചരിത്രത്തില് ആദ്യമായി അറുപതിനായിരം കടന്നത്. ദിവസങ്ങള്ക്കകം 64,000 കടന്ന് സ്വര്ണവില കുതിക്കുന്നതാണ് പിന്നീട് കണ്ടത്. സ്വര്ണത്തിന്റെ രാജ്യാന്തര വില, ഡോളറിനെതിരെ രൂപയുടെ…
Read More » -
ഭൂകമ്പം : മ്യാന്മറില് മരണസംഖ്യ ഉയരുന്നു; 1,002 പേര്ക്ക് ജീവന് നഷ്ടമായതായി റിപ്പോര്ട്ട്
മ്യാന്മറില് വെള്ളിയാഴ്ചയുണ്ടായ ഭൂകമ്പത്തില് മരണസംഖ്യ ഉയരുന്നു. ഇതുവരെ 1,002 പേര്ക്ക് ജീവന് നഷ്ടമായതായാണ് റിപ്പോര്ട്ട്. സൈനിക വൃത്തങ്ങളെ ഉദ്ധരിച്ച് ബിബിസിയാണ് വാര്ത്ത റിപ്പോര്ട്ട് ചെയ്തിരിക്കുന്നത്. 2,376 പേര്ക്ക് പരിക്കേറ്റതായും റിപ്പോര്ട്ടില് പറയുന്നു. മുപ്പതോളം പേരെ കാണാതായിട്ടുണ്ട്. മ്യാന്മറിലെ ജനകീയ നേതാവ് ആങ് സാന് സ്യൂചിയെ ഭൂകമ്പം ബാധിച്ചിട്ടില്ലെന്നാണ് വിവരം. സ്യൂചി ജയിലില് സുരക്ഷിതയാണെന്ന് ജയില് അധികൃതര് അറിയിച്ചു. ബാങ്കോക്കില് നിലവില് ആറ് പേരുടെ മരണമാണ് ഔദ്യോഗികമായി സ്ഥിരീകരിച്ചിരിക്കുന്നത്. കെട്ടിടാവശിഷ്ങ്ങള്ക്കിടയില് നിരവധി പേര് കുടുങ്ങിക്കിടക്കുന്നതായാണ് വിവരം. പതിനഞ്ച് പേരെ കാണാതായതായാണ് ഔദ്യോഗിക കണക്കുകള് വ്യക്തമാക്കുന്നത്. ബാങ്കോക്കിലും…
Read More »