National
-
ഓപ്പറേഷന് സിന്ദൂര്: പ്രധാനമന്ത്രിയുടെ ത്രിരാഷ്ട്ര സന്ദര്ശനം റദ്ദാക്കി
ഇന്ത്യയും പാകിസ്ഥാനും തമ്മിലുള്ള സംഘര്ഷം നിലനില്ക്കുന്ന സാഹചര്യത്തില് പ്രധാനമന്ത്രി നരേന്ദ്രമോദിയുടെ ത്രിരാഷ്ട്ര സന്ദര്ശനം റദ്ദാക്കിയതായി ഔദ്യോഗിക വൃത്തങ്ങള് പറഞ്ഞു. മെയ് 13 മുതല് 17 വരെ മോദി ക്രൊയേഷ്യ, നോര്വേ, നെതര്ലാന്ഡ്സ് എന്നീ രാജ്യങ്ങളിലേയ്ക്കായിരുന്നു സന്ദര്ശനം. നോര്ഡിക് ഉച്ചകോടിയില് പങ്കെടുക്കുന്നതിന് നോര്വേയിലേയ്ക്ക് സന്ദര്ശിക്കാനിരിക്കുകയായിരുന്നു അദ്ദേഹം. തീരുമാനം അതത് രാജ്യങ്ങളെ അറിയിച്ചിട്ടുണ്ട്. കഴിഞ്ഞമാസം നടന്ന പഹല്ഗാം ഭീകരാക്രമണത്തിന് മറുപടിയായി പാകിസ്ഥാനിലും പാക് അധിനിവേശ കശ്മീരിലുമുള്ള ഭീകര പരിശീലന കേന്ദ്രങ്ങള് ആണ് ബുധനാഴ്ച പുലര്ച്ചെ ഇന്ത്യ ആക്രമിച്ചത്. ഓപ്പറേഷന് സിന്ദൂര് എന്നാണ് ഇന്ത്യ ദൗത്യത്തിന് പേര് നല്കിയത്.
Read More » -
‘ഭീകരതയെ വേരോടെ പിഴുതെറിയും’; സൈന്യത്തില് അഭിമാനമെന്ന് അമിത് ഷാ
പാക് ഭീകര കേന്ദ്രങ്ങൾ തകർത്ത ഇന്ത്യൻ സേനയെ അഭിനന്ദിച്ച് കേന്ദ്ര ആഭ്യന്തരമന്ത്രി അമിത് ഷാ. ഇന്ത്യയ്ക്കെതിരായ ഏത് ആക്രമണത്തിനും മോദി സര്ക്കാര് തിരിച്ചടി നല്കുമെന്നും സൈന്യത്തില് അഭിമാനമെന്നും അമിത്ഷാ എക്സിൽ കുറിച്ചു. ഭീകരതയെ വേരോടെ പിഴുതെറിയുമെന്നും അമിത് ഷാ കൂട്ടിച്ചേർത്തു. ‘നമ്മുടെ സായുധ സേനയില് അഭിമാനമുണ്ട്. പഹല്ഗാമില് നമ്മുടെ നിരപരാധികളായ സഹോദരങ്ങളെ ഹീനമായി കൊലപ്പെടുത്തിയതിനുള്ള രാജ്യത്തിന്റെ മറുപടിയാണ് ഓപ്പറേഷന് സിന്ദൂര്. ഇന്ത്യയ്ക്കും നമ്മുടെ ജനതയ്ക്കും നേരെയുള്ള ഏതൊരു ആക്രമണത്തിനും ഉചിതമായ മറുപടി നല്കുമെന്ന് മോദി സര്ക്കാര് ദൃഢനിശ്ചയം ചെയ്തിട്ടുണ്ട്. ഭീകരവാദത്തെ വേരൊടെ പിഴുതെറിയും’, അമിത്…
Read More » -
ഭീകരകേന്ദ്രങ്ങളാണ് ഇന്ത്യൻ സൈന്യം ആക്രമിച്ചത്; പാകിസ്താൻ പ്രവർത്തിച്ചത് വിപരീതമായി: ഒമർ അബ്ദുള്ള
ആശങ്കപ്പെടേണ്ട സാഹചര്യമില്ലെന്ന് ജമ്മു കശ്മീർ മുഖ്യമന്ത്രി ഒമർ അബ്ദുള്ള. ഏത് അടിയന്തര സാഹചര്യത്തെയും നേരിടാൻ കശ്മീർ സജ്ജമാണെന്നും ആളുകൾ മറ്റിടങ്ങളിലേക്ക് മാറേണ്ടതില്ലെന്നും മുഖ്യമന്ത്രി അറിയിച്ചു. ‘ആശങ്കപ്പെടേണ്ട സാഹചര്യമില്ല. അവശ്യസാധനങ്ങളുടെ ദൗര്ലഭ്യമില്ല. ആശുപത്രികളില് രക്തബാങ്കുകള് സജ്ജമാണ്. ഗതാഗതത്തിനായി ദേശീയപാതകള് തുറന്നിട്ടുണ്ട്. ജനങ്ങള് ഭയപ്പെടേണ്ട യാതൊരു സാഹചര്യവുമില്ല. ഇവിടെ നിന്നും ഓടിപ്പോകേണ്ടതില്ല. ജമ്മുകശ്മീരിലെയും ശ്രീനഗറിലെയും സ്കൂളുകള് തുറന്നിട്ടുണ്ട്. ശ്രീനഗറിലെ എയര്പോര്ട്ട് അടച്ചു’ പാകിസ്താനിലെ ഒരു സാധാരണക്കാരൻ പോലും ആക്രമിക്കപ്പെടുന്നില്ലെന്ന് ഉറപ്പാക്കാൻ ഇന്ത്യ പരമാവധി ശ്രമിച്ചു. അവർ ഭീകര കേന്ദ്രങ്ങളാണ് ആക്രമിച്ചത്. എന്നാൽ ഇതിനു വിപരീതമായാണ് പാകിസ്താൻ പ്രവർത്തിച്ചത്.…
Read More » -
‘രാജ്യം നീതി നടപ്പാക്കി, ഓപ്പറേഷന് സിന്ദൂര് പഹല്ഗാമിനുളള മറുപടി’; വിശദീകരിച്ച് വനിതാ സൈനിക മേധാവിമാർ
ഓപ്പറേഷൻ സിന്ദൂരിലൂടെ സൈന്യം തകർത്തത് പാകിസ്താനിലെ ഒമ്പത് ഭീകരകേന്ദ്രങ്ങളെന്ന് കേണൽ സോഫിയ ഖുറേഷി. രാജ്യം നീതി നടപ്പാക്കുകയായിരുന്നുവെന്നും ഓപ്പറേഷന് സിന്ദൂര് പഹല്ഗാമിനുളള മറുപടിയെന്നും കേണൽ സോഫിയ ഖുറേഷി പറഞ്ഞു. ഓപ്പറേഷൻ സിന്ദൂറിനെക്കുറിച്ച് മാധ്യമങ്ങളോട് വിശദീകരിക്കുകയായിരുന്നു സോഫിയ ഖുറേഷി. സേനയിലെ വനിതാ ഉദ്യോഗസ്ഥരായ കേണൽ സോഫിയ ഖുറേഷി, വിംഗ് കമാൻഡർ വോമിക സിംഗ്, വിക്രം മിസ്രി എന്നിവരാണ് മാധ്യമങ്ങളെ കണ്ടത്. രാജ്യത്തിന്റെ ചരിത്രത്തിൽ ആദ്യമായാണ് വനിതാ സൈനിക മേധാവിമാർ സൈനിക നീക്കം വിശദീകരിക്കുന്നത്. 2001ലെ പാർലമെന്റ് ആക്രമണം, മുംബൈ ഭീകരാക്രമണം, ഉറി, പുൽവാമ തുടങ്ങിയ ഭീകരാക്രമങ്ങളുടെ…
Read More » -
മുംബൈ വിമാനത്താവളത്തില് ഇന്ഡിഗോ വിമാനത്തിന് ബോംബ് ഭീഷണി; അടിയന്തര പരിശോധന
പാക് ഭീകര ക്യാമ്പുകളില് ഇന്ത്യ വ്യോമാക്രമണം നടത്തിയതിന് പിന്നാലെ മുംബൈ വിമാനത്താവളത്തില് ബോംബ് ഭീഷണി. ഇന്ഡിഗോ വിമാനത്തിനുണ്ടായ ബോംബ് ഭീഷണിയെ തുടര്ന്ന് മുംബൈ വിമാനത്താവളത്തില് അടിയന്തര പരിശോധനകള് ആരംഭിച്ചു. ബുധനാഴ്ച മുംബൈയിലെ സഹര് വിമാനത്താവളത്തിലേക്ക് വന്ന ഫോൺവിളിയിലാണ് ബോംബ് ഭീഷണി ലഭിച്ചത്. ഇന്ഡിഗോ വിമാനത്തില് സ്ഫോടകവസ്തു ഉണ്ടെന്നായിരുന്നു വിവരം. സുരക്ഷാ ഏജന്സികള് ഉടനടി അടിയന്തര നടപടികള് ആരംഭിച്ചു. യാത്രക്കാരുടെയും ജീവനക്കാരുടെയും സുരക്ഷ ഉറപ്പാക്കാന് വിമാനത്താവളത്തില് പരിശോധനകളും മറ്റ് മുന്കരുതല് നടപടികളും ആരംഭിച്ചു. ബോംബ് ഭീഷണിയെക്കുറിച്ചുള്ള അന്വേഷണം പുരോഗമിക്കുകയാണ്. സമീപകാല സൈനിക നടപടികളുമായി ഭീഷണിക്ക് ബന്ധമുണ്ടോയെന്ന്…
Read More » -
ഓപ്പറേഷന് സിന്ദൂര്: വിമാനത്താവളങ്ങള് അടച്ചു
പഹല്ഗാം ഭീകരാക്രമണത്തിന് പിന്നാലെ രാജ്യത്തെ വടക്കേ ഇന്ത്യയിലെ വിമാനത്താവളങ്ങള് താത്കാലികമായി അടച്ചു. ഇനിയൊരു അറിയിപ്പ് ഉണ്ടാകുന്നതുവരെ അടച്ചതായി അധികൃതര് സൂചിപ്പിച്ചു. വിമാനസര്വീസുകള് നിര്ത്തിവെച്ചിട്ടുമുണ്ട്. സുരക്ഷ മുന്നിര്ത്തി ജമ്മു കശ്മീര് മേഖലയിലെ അടക്കം പത്തു വിമാനത്താവളങ്ങളാണ് അടച്ചിട്ടുള്ളത്. ശ്രീനഗര്, ജമ്മു, ലേ, ധരംശാല, അമൃത്സര് വിമാനത്താവളങ്ങളിലെ പ്രവര്ത്തനങ്ങള് നിര്ത്തിവെച്ചു. ഇതേത്തുടര്ന്ന് ഈ വിമാനത്താവളങ്ങള് വഴിയുള്ള എല്ലാ പുറപ്പെടലുകള്, വരവുകള്, കണക്റ്റിങ്ങ് വിമാനങ്ങളെ ഇത് ബാധിച്ചേക്കുമെന്ന് അധികൃതര് അറിയിച്ചു. യാത്രക്കാര് തങ്ങളുടെ വിമാനങ്ങളുടെ സ്ഥിതി സംബന്ധിച്ച് എയര്ലൈന്സ് അധികൃതരില് നിന്നും മനസ്സിലാക്കി അതനുസരിച്ച് യാത്ര ക്രമീകരിക്കണമെന്ന് അധികൃതര്…
Read More » -
ഇന്ത്യയുടെ തിരിച്ചടിയില് അഭിമാനമെന്ന് രാമചന്ദ്രന്റെ മകള്
പാകിസ്ഥാനിലെ ഭീകരകേന്ദ്രങ്ങള്ക്കു നേരെ ഇന്ത്യ നടത്തിയ ആക്രമണത്തില് പ്രതികരിച്ച് പഹല്ഗാമില് കൊല്ലപ്പെട്ട മലയാളി എന് രാമചന്ദ്രന്റെ മകള് ആരതി. ഓപ്പറേഷന് സിന്ദൂര് എന്ന പേരില് ഇന്ത്യ നടത്തിയ തിരിച്ചടിയില് എല്ലാ ഇന്ത്യക്കാരെയും പോലെ അഭിമാനമുണ്ട്. തന്റെ അമ്മയെ പോലെ സിന്ദുരം മായ്ക്കപ്പെടാനും ഉറ്റവരെ നഷ്ടപ്പെടാനും കാരണമായ തീവ്രവാദത്തിനുള്ള മറുപടിയാണ് ഓപ്പറേഷന് സിന്ദൂറിലൂടെ ഇന്ത്യ നല്കിയത് എന്നും ആരതി മാധ്യമങ്ങളോട് പ്രതികരിച്ചു. ”ഇന്ത്യയുടെ പ്രതികരണത്തില് അഭിമാനമുണ്ട്, ഞങ്ങളുടെ നഷ്ടം നികത്താനാവില്ല, പക്ഷേ ഇപ്പോള് പുറത്തുവരുന്ന വാര്ത്ത ആശ്വാസം നല്കുന്നതാണ്. സാധാരണ മനുഷ്യര്ക്ക് തീവ്രവാദികളെ നമുക്ക് ഒന്നും…
Read More » -
ഓപ്പറേഷന് സിന്ദൂര്: പഹല്ഗാമിന് ഇന്ത്യയുടെ മറുപടി
പഹല്ഗാം ഭീകരാക്രമണത്തിന് തിരിച്ചടി നല്കി ഇന്ത്യ. ഓപ്പറേഷന് സിന്ദൂര് എന്ന് പേരിട്ട സംയുക്ത സൈനിക ആക്രമണത്തില് പാക് ഭീകരകേന്ദ്രങ്ങള് തകര്ത്തു. പഹല്ഗാം ആക്രമണം നടന്ന് 15 ദിവസങ്ങള്ക്ക് ശേഷമാണ് ഇന്ത്യയുടെ തിരിച്ചടി. പുലര്ച്ചെ 1.44നായിരുന്നു സൈന്യത്തിന്റെ ഓപ്പറേഷന്. ബഹവല്പൂര്, മുസാഫറബാദ്, കോട്ലി, മുരിഡ്കെ തുടങ്ങിയ സ്ഥലങ്ങളിലാണ് ആക്രമണം നടന്നത്. പാക് അധീന കശ്മീരിലെ അടക്കം ഒമ്പത് ഭീകരകേന്ദ്രങ്ങള് തകര്ത്തതായി സൈന്യം അറിയിച്ചു. നീതി നടപ്പാക്കി എന്നണ് ആക്രമണത്തെ കുറിച്ച് സമൂഹമാധ്യമത്തില് സൈന്യം നടത്തിയ പ്രതികരണം. അഞ്ചിടത്ത് മിസൈല് ആക്രമണമുണ്ടായെന്നും മൂന്നു പേര് കൊല്ലപ്പെട്ടെന്നും 12…
Read More » -
കെഎസ്ആർടിസി ജീവനക്കാർക്ക് ഇൻഷുറൻസ് പദ്ധതി; സർപ്രൈസ് സമ്മാനത്തെക്കുറിച്ച് മന്ത്രി കെ ബി ഗണേഷ് കുമാർ
കെ എസ് ആർ ടി സി ജീവനക്കാർക്ക് ഒരു സർപ്രൈസ് സമ്മാനവുമായ ഗതാഗത മന്ത്രി കെ ബി ഗണേഷ് കുമാർ . കെഎസ്ആർടിസി ജീവനക്കാർക്ക് ഇൻഷുറൻസ് പദ്ധതിയെന്ന സമ്മാനമാണ് മന്ത്രി പ്രഖ്യാപിച്ചിരിക്കുന്നത്. സെക്രട്ടറിയേറ്റ് സൗത്ത് ബ്ലോക്കിലെ പി ആർ ചേമ്പറിൽ ചേർന്ന വാർത്താ സമ്മേളനത്തിലായിരുന്നു പദ്ധതിയുടെ പ്രഖ്യാപനം. 22,095 സ്ഥിരം ജീവനക്കാരും പദ്ധതിയുടെ ഗുണഭോക്താക്കൾ ആയിരിക്കും. എസ്ബിഐയും കെ എസ് ആർ ടി സിയും ചേർന്നാണ് പദ്ധതി നടപ്പിലാക്കുന്നത്. അപകടത്തിൽ മരിച്ചാൽ കുടുംബത്തിന് 1 കോടി രൂപ നഷ്ടപരിഹാരമായി ലഭിക്കും. അപകടത്തിൽ പൂർണ വൈകല്യം…
Read More » -
വഖഫ് ഹർജികൾ പുതിയ ബെഞ്ചിലേക്ക്; അടുത്ത ചീഫ് ജസ്റ്റിസ് മെയ് 15ന് പരിഗണിക്കും
വഖഫ് നിയമഭേദഗതിക്കെതിരായ ഹര്ജികള് പുതിയ ബെഞ്ച് പരിഗണിക്കും. അടുത്ത സുപ്രീം കോടതി ചീഫ് ജസ്റ്റിസ് ബിആര് ഗവായിയുടെ ബെഞ്ചായിരിക്കും മെയ് 15ന് ഹര്ജികള് പരിഗണിക്കുക. വഖഫ് കേസ് താൻ വാദം കേള്ക്കുന്നത് തുടരുന്നില്ലെന്ന് ഇന്ന് ഹര്ജികള് പരിഗണിച്ചപ്പോള് ചീഫ് ജസ്റ്റിസ് സഞ്ജീവ് ഖന്ന വ്യക്തമാക്കുകയായിരുന്നു. പുതിയ ബെഞ്ചിലേക്ക് മാറ്റാനുള്ള തീരുമാനത്തിൽ എതിര്പ്പില്ലെന്ന് കേന്ദ്രം അറിയിച്ചു. പുതിയ ചീഫ് ജസ്റ്റിസ് പരിഗണിക്കട്ടെ എന്ന് നിലവിലെ ചീഫ് ജസ്റ്റിസ് സഞ്ജീവ് ഖന്ന അറിയിച്ചു. അടുത്ത വ്യാഴാഴ്ച കേസ് നിയുക്ത ചീഫ് ജസ്റ്റിസിന്റെ ബെഞ്ച് പരിഗണിക്കും. വഖഫുമായി ബന്ധപ്പെട്ട്…
Read More »