നാല് ദിവസത്തെ ഇന്ത്യ സന്ദർശനത്തിനെത്തിയ യു എസ് സ്റ്റേറ്റ് സെക്രട്ടറി മാർക്കോ റൂബിയോ ഇന്ന് വിദേശ കാര്യ മന്ത്രി എസ് ജയശങ്കറുമായി കൂടിക്കാഴ്ച നടത്തും. ഇന്നലെ പ്രധാനമന്ത്രി നരേന്ദ്രമോദിയുമായി മാർകോ റൂബിയോ കൂടിക്കാഴ്ച നടത്തിയിരുന്നു.
അമേരിക്കയിൽ നിന്ന് കൂടുതൽ എണ്ണ വാങ്ങുനന്നതിനെ കുറിച്ച് ഇരു നേതാക്കളും ചർച്ച ചെയ്തു എന്നാണ് റിപ്പോർട്ട്. കാർഷികോൽപ്പന്നങ്ങൾ ഉൾപ്പെടെയുള്ള യു എസ് ഉൽപ്പന്നങ്ങളുടെ ഇറക്കുമതി തീരുവ രഹിതമാക്കുക, പ്രതിരോധ ഉപകരണങ്ങളും ആണവോർജ്ജ റിയാക്ടറുകളും യു എസിൽ നിന്ന് വാങ്ങുക തുടങ്ങിയ ആവശ്യങ്ങളും റൂബിയോ മുന്നോട്ടുവെച്ചു.
എന്നാൽ അമേരിക്കയുടെ പുതിയ ഇമിഗ്രേഷൻ നയം റൂബിയോയുമായുള്ള ചർച്ചയിൽ പ്രധാനമന്ത്രി ഉന്നയിച്ചില്ലെന്നാണ് റിപ്പോർട്ട്. അതേസമയം പ്രധാനമന്ത്രിയെ വൈറ്റ് ഹൗസിലേക്ക് ക്ഷണിച്ച് കൊണ്ടുള്ള അമരിക്കാൻ പ്രസിഡന്റ് ട്രമ്പിന്റെ ക്ഷണം റൂബിയോ മോഡിയെ അറിയിച്ചു. ഈ സന്ദശനത്തെ ഗൌരവത്തോടേയും ആശങ്കയോടേയുമാണ് ജനങ്ങൾ നോക്കിക്കാണുന്നത്.
